ايه افضل نوع من الوظائف المناسب ليا
Hourly Base Vs Fixed Tasks

Hourly Rate VS Fixed Price Tasks

لو بتبدأ في الفريلانسينج، أو حتى عندك خبرة وعايز تعرف إيه النظام اللي يحقق لك دخل أفضل، أكيد سألت نفسك:

“أشتغل بالساعة ولا بالمهمة / الشغلانه؟” (Hourly vs Fixed Price)

الإجابة مش واحدة لكل الناس، وده بيعتمد على طبيعة شغلك وأسلوبك في العمل.

في البوست ده، هنقارن بين النظامين، وهنعرف مميزات وعيوب كل واحد عشان تختار الأنسب ليك.

١. الشغل بالساعة (Hourly Rate)

✅ إيجابيات الشغل بالساعة:

- دخل مستقر: بتاخد فلوس على الوقت اللي بتشتغله، حتى لو المهمة نفسها صغيرة.

- مناسب لو المشروع مش واضح: ساعات العميل بيكون عنده فكرة لكنه مش محدد المطلوب 100%.

- أمان مالي: مع Upwork مثلاً، الفواتير الأسبوعية بتضمن إنك تستلم فلوسك لو استخدمت Time Tracker.

- فرصة لعلاقات طويلة المدى: لو العميل مقتنع شغلك، ممكن يفضّل يحتفظ بيك لفترة طويلة.

❌ عيوب الشغل بالساعة:

- محدودية الأرباح: دخلك مرتبط بعدد الساعات اللي تشتغلها، مش النتايج اللي بتقدمها.

- مش كل العملاء يحبوا النظام ده: بعض العملاء بيفضلوا يعرفوا السعر الثابت بدل ما يقلقوا من عدد الساعات اللي هتشتغلها.

- محتاج التزام بوقت معين: لو بتشتغل على أكتر من مشروع، ممكن يكون صعب عليك إدارة وقتك بين كل العملاء.