نصائح لو طبقتها في الملف الشخصي هتخلي العملاء يتواصلوا معاك بشكل مستمر

كفريلانسر، النجاح في جذب عملاء مميزين هو المفتاح لبناء دخل ثابت. النهارده هنتكلم عن إزاي تميّز بروفايلك على Upwork عشان تجذب أفضل العملاء بسهولة.

١. ناس كتير بتعقّد فكرة بروفايل Upwork بدون داعي!

فيه خبراء بيتكلموا عن إنك تكتب بروفايل ضخم أشبه بالسيرة الذاتية، لكن الحقيقة إن معظم العملاء معندهمش وقت يقروه كله!

وأكتر غلطة بيقع فيها الفريلانسرز إنهم بيركزوا على قسم “Profile overview” (الوصف الشخصي) لكن بينسوا عنصر مهم جدًا: فيديو التعريف (Profile Video)

٢. ليه لازم تعمل فيديو تعريفي في بروفايلك؟

- الفيديو بيخلي العميل يشوفك ويسمعك، وده بيساعد في بناء ثقة أسرع.

- مش لازم تكون محرر فيديو، أي حد يقدر يستفيد منه حتى الكتاب والمبرمجين والمصممين.

- الفيديو مش مكان لعرض أعمالك، ده مكان عشان تعرف العميل عليك وتشرح له طريقتك وأسلوبك.

٣. إيه أهم أجزاء البروفايل اللي لازم تركز عليها؟

أولًا: الصورة الشخصية (Profile Picture)

- ده أول شيء العميل بيشوفه، فلازم يكون احترافي.

- مش شرط تستعين بمصور محترف، صورة واضحة بإضاءة كويسة كفاية.